Ang Diyes ko nga Istorya

Kahapon, nag-apply ako sa IBM daskh. kag wara ako kapasar sa technical exam. ahaay. andut abi sociology akun major kang college. pero lain ri-a ang akun istorya kadya. kang pauli run ako halin sa edsa central,  nagbukal gid ang akun dugo kang nagbakal ako kang mrt ticket sa shaw station. baynte pesos ang akun kwarta. onse pisos lang ang pamasahe pa-Cubao. te gindugangan ko kang pisos ang baynte para bilog nga pulo ang i-sinsilyo kanakun kang bayi. pagbukad ko kang coin purse, duro gali ang aku diyesun. nanglimpyo kami kabay kang balay kang dominggo. duro run gali ang diyesun sa hilohan. imbes nga bilog nga piso ang ibayad ko, ginbuol ko ang pulo ka diyes abay ang baynte nga papel. gintugro ko sa bayi. ang hambal na gid:
“Ano ba yan, piso na lang.”
Ay dipuga. lubagon ko kar-on liug mo. batuna run ri-a. pinsar ko.
“Pera rin naman po iyan ah,” ang magalang kong sagot.
“Hindi kasi yan tinatanggap ng driver.”
Dipuga. drayber kaw haw? amo ria kar-on ang ibayad mo sa drayber haw? indi mo man tana ri-a pag-uli ang mga diyesun ko hay sa kaha man tana ri-a maagto.
“Pera din naman iyan ah,” ang medyo hindi magalang kong sagot.
“Ako kasi ang mag-aabono nyan.”
Diyos ko, patawarun ako kang mga engkanto sa lunok kun lubagun ko ang liug kang bayi nga diya. Andut abi nga abonohan na? wara haw gabaton kang mga diyes ang gobyerno?
“Pera din naman po iyan ah.” tunog run limog ko.
kun maghambal pa dya kar-on, ireport ko gid dya sa LRTA. pinsar ko lang. mayad lang wara.
“O, sige sige. matigil ka lang. Hindi kasi ito tinatanggap ng mga drayber eh.” gindawu na sinsilyo ko nga pulo. Dipuga sanggatos.  daw nami gus-abun tsura na. daw gulpi lang ako gingutom.
“Salamat po,” ang magalang kong sagot.
nagahuyom huyom ako nanaog sa escalator. ginbalikid ko pa ang bayi. nagakimud-kimud. daw nami balikan kag sangsangan kang diyes baba na.  mag-an run coin purse ko.
Indi run ako maglitanya parte sa economic significance kang pagbalik kang sirkulasyon kang mga diyes kag singko. gusto ko lang isugid ang diyes ko nga istorya. mabayad ako gihapon kang diyes kag singko sa lrt/mrt.